“Real” Italiyadagi superhujumchilarni kutyapti

“Real” rahbariyati yaqin kelajakda Karim Benzemaning o‘rnini munosib tarzda egallay oladigan hujumchi qidirishda davom etmoqda.

Matbuot xodimlarining yozishicha, madridliklar nishonda A Seriyaning ikki to‘purari – Dushan Vlaxovich va Viktor Osimxen turibdi.

22 yoshli serbiyalik hujumchi “Yuventus”da yuzaga kelgan vaziyat tufayli jamoani tark etmoqchi. Uning transferi 80 million evroga baholanmoqda.

“Napoli”ning 24 yoshli to‘purari Osimxenni olish ancha qiyin masala. Nigeriyalik futbolchiga Angliya premer-ligasining bir necha klublari da’vogarlik qilmoqda. Uning transfer summasi 70 million evroni tashkil qiladi.