“Реал” катта янгиликни эълон қиладиган бўлди

Футбол жамоатчилигини “Реал” жорий йилнинг энг йирик ва муҳим трансфери – ПСЖ ҳужумчиси Килиан Мбаппенинг Мадрид клубига ўтганини қачон эълон қилиши қизиқтирмоқда.

Журналист Фабрис Хоукинснинг маълумотига кўра, “Қироллик клуби” бу янгиликни 3-4 июнь кунлари расман эълон қилишга тайёргарлик кўрмоқда.

Манбанинг ёзишича, айни пайтда Килиан Мбаппе Франция терма жамоаси ихтиёрида бўлиб турибди.

Бир неча манбалар Килиан Мбаппе “Реал” билан беш йиллик шартнома имзолаб бўлганини ёзмоқда. Унга кўра, 25 ёшли ҳужумчи ҳар мавсум учун 15 миллион евродан маош олади.

Шунингдек, испан гранди унга шартнома имзолагани учун 150 миллион евро миқдорида бонус бериши келишилган.