“Real” kelasi yozda katta transferga qo‘l uradigan bo‘ldi

“Real” rahbariyati kelasi yili olinadigan futbolchilarni aniqlay boshladi. Madridliklar yangi mavsum tugashi bilan “Chelsi” etakchilaridan Ris Jeyms transferi bo‘yicha ishga kirishadi.

Madrid klubi anchadan beri o‘ng qanot himoyasini kuchaytirishni rejalashtirib kelayotgan edi.

Ma’lumotlarga qaraganda, Ris Jeymsning oxirgi mavsumlardagi ishtiroki “Real” skautlarining e’tiborini qozongan.  “Qirollik klubi” bu o‘yinchini kelasi yozda Dani Karvaxalning o‘rniga olib kelmoqchi.

31 yoshli Dani Karvaxalning o‘ng qanotni to‘liq yopishga tezligi etmayotgani ko‘p tanqid qilinayotgan edi.