“Реал” кўз тиккан футболчини “Бавария” олиб қўймоқчи

“Челси” сардори Рис Жеймс Испания ва Германия гранд клублари орасида талаш бўлмоқда.  “Реал” 23 ёшли ҳимоячини анчадан бери ўз сафида кўрмоқчи.

Fichajes нашрининг маълум қилишича, истеъдодли футболчи учун курашга “Бавария” ҳам қўшилган.

Рис Жеймснинг трансфер суммаси 65 миллион еврога баҳоланмоқда. Унинг “аристократлар” билан шартномаси 2028 йилнинг 30 июнигача тузилган.

Лондонликлар бош мураббийи Маурисио Почеттино Рис Жеймсга ишонч билдиришини таъкидлаб келмоқда. Бироқ ҳимоячининг кўп жароҳат олаётгани клуб раҳбариятини уни сотиб юборишга кўнишида муҳим омил бўлиши мумкин.