“Реал” ливерпулликлар юлдузи билан келишувга эришди

“Ливерпуль” ўнг қанот ҳимоячиси Трент Александер-Арнольд фаолиятини Испания чемпионатида давом эттириш эҳтимоли ошиб бормоқда.

Cadena Ser нашрининг хабар беришича, “Реал” 25 ёшли футболчи билан шахсий шартнома бўйича келишувга эришган. Унга кўра, томонлар дастлаб тўрт йиллик битим тузади.

“Реал” мутасаддилари бу трансферни амалга ошган, деб ҳисоблаяпти. Энг муҳими, Трент мадридликларга бепул тушади. Чунки футболчининг “Ливерпуль” билан келишуви 30 июнь куни якунланади.

“Ливерпуль” ўз тарбияланувчиси билан ҳамкорликни узайтиришга ҳаракат қилиб кўрди. Бироқ ҳимоячи илгари сурган талаблар клубга маъқул келмади.

Transfermarkt портали экспертлари Англия Премьер-лигасининг энг  маҳоратли ҳимоячиларидан бирини 75 миллион еврога баҳоламоқда.