"Реал Мадрид" Арбелоани истеъфога чиқарадими?

"Реал Мадрид" клубида яна бош мураббий ўзгариши мумкин. Бу ҳақда Indykaila нашри хабар берди.

Манбага кўра, "қаймоқранглилар" яқин кунларда Алваро Арбелоани истеъфога чиқариши мумкин. Агар клуб раҳбарияти унинг тайинланиши жиддий хато бўлган, деган хулосага келса, Арбелоа дарҳол лавозимидан озод этилади. Аввалроқ, Хаби Алонсо ўзаро келишув асосида шартнома бекор қилиб, жамоани тарк этган эди.

Маълумот учун, мадридликлар янги мураббий қўл остидаги учрашувда "Альбасете" жамоасига мағлуб бўлиб, Испания кубогини тарк этди.