"Реал Мадрид" ҳимоячиси бугунги машғулотларда иштирок этмади

"Реал Мадрид" ҳимоячиси Рауль Асенсио пайшанба куни жамоа машғулотида иштирок этмади. Бу ҳақда Мадрид клуби матбуот хизмати хабар берди.

Расмий баёнотда айтилишича, "Асенсио гриппга ўхшаш аломатлар сабабли машғулотни ўтказиб юборди".

Ҳозирда "Реал" Испания чемпионати турнир жадвалида иккинчи ўринда бормоқда. Альваро Арбелоа шогирдлари пешқадам "Барселона"дан бир очкога орқада қолмоқда.

14 февраль, шанба куни "Реал" ўз майдонида "Реал Сосьедад"ни қабул қилади. "Сантьяго Бернабеу" стадионидаги учрашув Тошкент вақти билан соат 01:00'да бошланади.