
"Реал Мадрид" ҳимоячиси жароҳат олиб, сафдан чиқди
"Реал Мадрид"нинг муҳим ҳимоячиларидан бири Лукас Васкес жароҳат олиб, сафдан чиқди.
"COPE" нашрининг хабар беришича, испанилик ҳимоячи сон қисмидан жароҳат олган. Унинг қачон сафга қайтиши номаълумлигича қолмоқда.
"Маrcа" нашрининг маълумотига кўра, Анчелотти муҳим учрашувларда Федерико Вальвердени ўнг қанот ҳимояда ўйнатишни мақсад қилиб қўйган. Агарда Давид Алаба асосий таркибга тушишга тўлиқ тайёр бўлса, Рауль Асенсио ўнг қанот ҳимояда ҳаракат қилиши мумкин.
Хабарингиз бор, бир неча ой олдин клубнинг асосий ҳимоячиси Дани Карвахал оғир жароҳат олиб, мавсум сўнггига қадар сафдан чиқди. Шу сабабли, клуб мутасаддилари ёзги трансферлар ойнасида "Ливерпуль" ҳимоячиси Трент Александр-Арнольдни олиб келмоқчи.
Комментарии