"Реал Мадрид" мухлислари учун яхши ва ёмон хабарлар бор!

"Реал" ҳужумчиси Килиан Мбаппе тўпиқдаги жароҳатидан тўлиқ тикланиб, жамоавий машғулотларга қайтди. Франция терма жамоаси форварди 10 октябрь куни ЖЧ–2026 саралашидан ўрин олган Озарбайжонга (3:0) қарши ўйинда жароҳат олган эди.

Шу тариқа, Мбаппе Ла Лиганинг 9-турида "Хетафе"га қарши учрашувда майдонга тушиши мумкин.

Шу билан бирга, ярим ҳимоячи Дани Себальос мушак жароҳати сабабли ушбу беллашувни ўтказиб юбориши аниқ бўлди.