"Реал Мадрид" собиқ футболчисига АПЛнинг 3 гранди харидор

"Комо" ярим ҳимоячиси Хакобо Рамон фаолиятини Англиянинг тўп клубларидан бирида давом эттириши мумкин.

Хабарларга кўра, 21 ёшли футболчининг хизматларига Англия Премьер-лигасининг 3 клуби жиддий қизиқиш билдирмоқда. Футболчи учун Лондоннинг "Тоттенхэм"ва "Челси" клублари ҳамда "Ливерпуль" кураш олиб бориши кутилмоқда. Бироқ бу трансферга Мадриднинг "Реал" клуби тўсқинлик қилиши мумкин. Чунки "қироллик клуби" Рамонни "Комо"дан 8 миллион еврога сотиб олиш ҳуқуқига эга. Футболчининг итальян клуби билан амалдаги шартномаси 2030 йилда якунига етади. Унинг трансфер нархи 18 миллион еврога баҳоланган. 

Маълумот учун, футболчи жорий мавсумда умумий 17та ўйинда иштирок этиб, 2та голни ўз ҳисобига ёздириб қўйган.