"Real Madrid" "yangi Militao" topdi

Madridning "Real" klubi Angliyaning "Tottenxem" himoyachisi hisoblangan van de Venga shartnoma taklif qilmoqchi.

Xabaringiz bor, Eder Militao ikkinchi bor xochsimon paylarini uzib olib, mavsum so‘nggigacha safdan chiqqan. Avstriyalik David Alaba esa endigina jarohatdan forig‘ bo‘lib, safga qaytmoqda. Shu sababli, Florentino Peres va Karlo Anchelotti qishki transferlar oynasida yangi himoyachi sotib olish haqida o‘ylamoqda.

"Relevo" nashrining xabar berishicha, italiyalik mutaxassis himoyachi tanlayotganda bir nechta muhim detallarga e’tibor beradi. Murabbiyning fikricha himoyachi zamonaviy futbolga moslashgan, ikkinchi qavatda ham yakkakurashlarda ham yaxshi, yosh, tezkor va kuchli bo‘lishi kerak. Manbaga ko‘ra, hozirda shu ta’riflangan mezonlarga mos keladigan fulbek bu "shporlar" futbolchisi van de Ven bo‘lmoqda.

Ma’lumot o‘rnida, 23 yoshli o‘yinchi joriy mavsum 11 ta o‘yinda ishtirok etib, 2 ta golli uzatma berishga ulgurdi. Niderlandiyalik himoyachining klub bilan shartnomasi 2029 yilgacha mo‘ljallangan bo‘lib, uning Transfermarkt portalidagi narxi 55 million evro deb baholanmoqda.