"Реал Мадрид"да тиббий хизмат қайта ташкил этилмоқда

"Реал" клуби ўтган мавсумда жамоа аъзолари орасида кўплаб жароҳатлар кузатилгани сабабли тиббий хизмат тизимида бир қатор кадр ўзгаришларини амалга оширишга қарор қилди. Бу ҳақда "The Athletic" нашри хабар берди.

Манбага кўра, ўзгаришлар фақат жароҳатлар сони билан боғлиқ эмас — тиббий хизмат ходимлари ўртасида келиб чиққан ички можаролар ҳам иш муҳитини қийинлаштирган ва клуб раҳбариятини чора кўришга мажбур қилган.

Шу билан бирга, тиббий хизмат раҳбари сифатида доктор Фелипе Сегура ўз лавозимини сақлаб қолади. У 2021 йилдан буён клубда ишлаб келади ва 2023 йилдан буён тиббий бўлимга раҳбарлик қилмоқда.

Клуб шунингдек, "Гранада" жамоасида фаолият юритган ва "Реал" ичида катта ҳурматга эга Мануэль Арройони ишга олди. Янги тизим доирасида шифокорлар Даниэль Росадо ва Хайме Абаскаль жамоани тарк этиши кутилмоқда.