“Реал” машғулотларидаги энг зўр ва энг ёмон ўйинчи номини айтилди

Мадриднинг “Реал” клуби собиқ футболчиси Гарет Бэйл жамоа машғулотлари пайтидаги энг яхши ва энг ёмон ўйинчилар номини айтди.

- Лука Модрич ва Тони Кроос ҳеч қачон тўпни йўқотмасди, Иско ҳам худди шундай эди. Иско катта майдонда, эҳтимол, бироз қийналгардир, аммо кичик майдонлардаги ўйинларда ҳаммаси бошқача эди.

У мен кўрган футболчилар ичида Зинедин Зиданга энг кўп ўхшайдиган ўйинчи.

Жамоа машғулотларида энг ёмон футболчи Эден Азар бўлган. “Челси”даги йигитлар ҳам худди шуни айтишарди.

У тўпиғини жароҳатлаб олган ва шундан кейин тўлиқ тиклана олмаган, - деди Гарет Бэйл.

Гарет Бэйл 2013–2022 йилларда “Реал” таркибида ўйнаган. Мадридликлар сафида ярим ҳимоячи уч марта Испания чемпионлигини қўлга киритган, мамлакат кубогида ғалаба қозонган ва беш марта УЕФА Чемпионлар лигаси ғолиби бўлган.