"Реал" мавсумни ғалаба билан бошлади, Бенземадан дубль

Испания Ла Лигаси дастлабки туридан ўрин олган "Алавес" - "Реал" учраушуви якунланди. Унда "қаймоқранглилар" 4:1 ҳисобида зафар қучди.

Ҳисоб иккинчи тайм бошида Бензема томонидан очилди. Орадан кўп ўтмай, Начо орадаги фарқни иккитага етказди. Каримнинг ўзи дублни расмийлаштирган бўлса, 65-дақиқада Хоселу ҳисобдаги фарқни қисқартиришга муваффақ бўлди. Ҳакам томонидан қўшиб берилган дақиқаларда Винисиус таблони 4:1 кўринишига келтирди. Ушбу голга жамоа сафига яқинда келиб қўшилган Алаба ассистентлик қилди.

Шундай қилиб, йирик ҳисобдаги ғалаба натижасида "қироллик клуби" Ла Лига пешқадамига айланиб олди.

• 90+3'
  

  Учрашув якунланди. "Реал" илк ўйинда йирик ҳисобдаги ғалабани тантана қиладиган бўлди!

• 90+2'
  

  ГОООООООООООЛ! Винисиус ўйинга матниқий нуқтани қўйди!

  Алабанинг узатмасидан кейин Жуниор боши билан дарвозани ишғол этди.

• 90+1'
  

  Винисиуснинг яқин масофадан берган зарбасини дарвозабон қайтарди.

• 90'
  

  Ўйиннинг асосий вақтига 3 даққа қўшиб берилди.

• 88'
  

  Вальверде, Модрич ва Бензема захирага олинди. Улар ўрнига Иско, Йович ҳамда Асенсио ўйинга қўшилди.

• 86'

  Алаба жарима майдони ичида йиқилиб тушди. Ҳакам унга ўрнидан туриши кераклигини таъкидлади.

• 84'

  Вальверденинг олис масофадан берган зарбасига аниқлик етишмади.

• 81'

  Қанотдан ёриб кирган Винисиуснинг узатмаси хавфли чиқди. Бироқ тўпни дарвозага киритадиган футболчи топилмади.

• 79'

  Жарима майдони ташқарисидан берилган зарбаси Куртуа иккинчи уринишда ушлаб олди.

• 77'

  Мезбонларнинг навбатдаги ҳужуми Гвидеттининг ноаниқ узатмаси туфайли эрта якунланди.

• 75'

  Қўрқмай тўпга ташланган Начо рақибини зарарсизлантиришга муваффақ бўлди.

• 73'

  Винисиуснинг қанотдан етказиб берган тўпига Родригодан олдин ҳимоячи етиб келди.

• 70'

  Вальверде ўзининг фаол ҳаракатлари билан рақибдаги тўпни жамоасига олиб берди.

• 69'

  Натижадан қониққан Анчелотти икки қанот вингерларини алмаштирди.

• 68'
  

  Гарет Бэйл ўз ўрнини Родригога бўшатиб берди.

• 66'
  

  Эден Азар ўз ўрнини Винисиус Жуниорга бўшатиб берди.

• 65'
  

  ГООООООООООООЛ! "Алавес" ҳисобни қисқартирди!

  Хоселунинг чап томонга йўллаган кучли зарбасини  дарвозабон қайтара олмади.

• 64'
  

  Ҳакам бельгиялик дарвозабонни огоҳлантирди.

• 64'
  

  Куртуа билан бирга-бир вазиятга чиқиб борган Гвидетти уни алдаб ўтди. Рақибини йиқитган Тибо пенальтига сабаб бўлди.

• 62'
  

  ГООООООООООЛ! Бензема дублни нишонламоқда!

  Вальверденинг рейдидан кейин тўпни қабул қилиб олган Бензема ноқулай вазиятдан дарвозани аниқ нишонга олди.

• 62'
  

  Бу сафар Гвидеттининг зарбасини Куртуа қайтарди.

• 61'
  

  Бенземанинг жарима майдони ичидан берган зарбасини дарвозабон қайтарди.

• 60'

  Лукас Васкеснинг узатмасидан кейин дарвозабон тўпни ушлаб олди.

• 58'
  

  "Алавес"да икки ўзгариш: Мамаду Лум ва Гвидетти майдонга тушди. Улар ўрнига Пере Понс ҳамда Ману Гарсия захирага олинди.

• 56'
  

  ГОООООООООООЛ! "Реал" ҳисобни ишончли кўринишга келтирди!

  Модричнинг узатмасидан кейин Начо тўпни дарвозага тўғирлаб юборди.

• 55'

  Учрашув тенг курашлар остида давом этмоқда.

• 53'
  

  Ўз жарима майдони яқинида Бэйл Дуартега нисбатан қоида бузди. Ҳакам уни огоҳлантирди.

• 51'

  Бэйлнинг зарбасидан сўнг тўп ҳимоячилардан қайтди.

• 50'

  Ҳисобда ортда қола бошлаган мезбонлар фаолликни оширишга ҳаракат қилмоқда.

• 48'
  

  ГОООООООООООЛ! Бензема "Реал"нинг жорий мавсумдаги илк голи муаллифи!

  Азар тўхтатиб берган тўпни Карим яқин масофадан дарвозага аниқ йўллади.

• 46'
  

  Иккинчи тайм бошланди!

• 46'

  Ўйин қаҳрамонлари майдонга қайтди. Биз ҳам қайтамиз!

• 45+2'
  

  Танаффус!

• 45+1'

  Алабанинг стандартдан йўллаган зарбаси ноаниқ кетди.

• 45'
  

  Биринчи таймга 1 дақиқа қўшиб берилди.

• 45'

  Вальвердега нисбатан ишлатилган қўполлик натижасида "Реал" стандарт вазиятга эга бўлди.

• 43'

  "Қироллик клуби" ҳужумларига кескинлик етишмаяпти.

• 41'

  Давид Алабанинг зарбасига аниқлик етишмади.

• 39'

  "Алавес" футболчиси яқин масофадан Куртуа дарвозасини нишонга олди. Ноаниқ.

• 37'
  

  Бэйлнинг стандартдан берган зарбасини дарвозабон ушлаб олди.

• 35'
  

  Бенземага нисбатан қўполлик ишлатган Гарсия огоҳлантирилди.

• 33'
  

  Давид Алабанинг олис масофадан берган зарбасини дарвозабон қайтарди.

• 31'

  Карим Бенземанинг зарбасидан кейин тўп етарлича айланмади.

• 28'

  Ўйин тенг курашлар остида давом этмоқда.

• 26'

  Лукас Васкес ҳужумда тўп йўқотди ва жамоаси ҳужуми эрта якунланишига сабаб бўлди.

• 24'

  Тўпни кўпроқ ўзида ушлаб тураётган мадридликлар хавфли вазият яратишда оқсаяпти.

• 22'

  Хоселунинг зарбаси хавфли, бироқ ноаниқ кетди.

• 20'

  Гарет Бэйлнинг олис масофадан берган зарбаси анча ноаниқ кетди.

• 19'

  Азар бу сафар жарима майдони ичида тўпни шерикларига етказиб бера олмади. Тўп йўқотилди.

• 17'

  Эден Азарнинг зарбасидан сўнг тўп устун ёнгинасидан ўтиб кетди.

• 16'

  Алаба ўз қанотида рақибини зарарсизлантирди.

• 14'
  

  Вальверде воқеалар ривожидан бироз илгарилаб кетди.

• 13'

  Анчелотти шогирдлари майдон бўйлаб тўп назоратини амалга оширмоқда.

• 11'

  "Алавес" футболчиси ўйиндан ташқари ҳолатда қолиб кетди. Ҳакам ўйинни тўхтатди.

• 8'

  Ҳозирча, майдон эгалари нисбатан фаолроқ ўйин намойиш этмоқда.

• 6'
  

  Илк зарба Куртуа дарвозасига йўналтирилди. Тибо ўз ўрнида!

• 3'

  Тўп назорати мадридликлар томонга ўтмоқда.

• 1'
  

  Ўйин бошланди!

• 0'

  Футболчилар майдонга тушиб келди. Старт учун бир неча дақиқалар қолди, холос.