“Реал” майдонида “ҳунар” кўрсатган рақиб оғир жазога тортилди

Испания чемпионатининг 17-турида “Реал” ўз мухлислари кўз ўнгида “Севилья”ни қабул қилиб, рақиб устидан 2:0 ҳисобида муваффақият қозонган эди.

Учрашувнинг кульминацион нуқтаси 68-дақиқага тўғри келди. “Севилья” ўйинчиси Маркао иккинчи огоҳлантиришни олиб, майдондан четлатилган вазиятда жанжал чиқарди.

Маркао ўзини майдондан четлатган бош ҳакамни ҳақорат қилди.

Испания Қироллиги футбол федерациясининг интизом қўмитаси Маркаони жиддий жазога тортди. Marca нашрининг хабар беришича, Маркао “Сантьяго Бернабеу”даги ноўрин хатти-ҳаракатларидан сўнг олти ўйинга дисквалификация қилинлди.

Бразилиялик легионерга қўлланилган жазонинг энг оғир қисми айнан ҳакамга нисбатан қилинган ҳақорат ва оғзаки тажовузлар билан боғлиқ бўлди. Шунинг учун Маркао тўрт ўйинга дисквалификация қилинди.

Қолган икки ўйинлик дисквалификацияни эса 29 ёшли ҳимоячи иккита сариқ карточкадан сўнг четлатилгани ва спортга хос бўлмаган хулқ-атвори учун олди.