“Реал” Мбаппени таништириш учун ПСЖдан рухсат олиши керак

 “Маrca” нашрининг хабар беришича, "Реал Мадрид" Килиан Мбаппени "Евро-2024" бошланишидан олдин таништириш устида ишламоқда. 

 25 ёшли французнинг ПСЖ билан шартномаси 31 июнда тугаши сабабли “қаймоқранглилар” Париж клуби рухсати билан супер юлдузни “Сантьяго Бернабеу”да 3-9 июнь оралиғида таништирув маросимини ўтказмоқчи. Биласиз, бир неча кун аввал француз ёзда ПСЖни тарк этишини маълум қилганди. 

Таниқли инсайдер Фабрицио Романонинг тасдиқлашича, Килиан аллақачон "Реал" билан шартнома имзолаб улгурган. 

 Эслатиб ўтамиз, Килиан ПСЖ сафида 307 та ўйинда майдонга тушиб, 256 марта марта дарвоза тўрини аниқ нишонга олган.