“Реал” Мбаппенинг келишидан хавотирга тушди

Килиан Мбаппе фаолиятини Испания чемпионатида “Реал” сафида давом эттириши ойдинлашиб бўлган. Фақат бу расман тасдиқланиши кутиляпти холос.

Франциянинг L'Équipe нашри тарқатган хабарга кўра, “Қироллик клуби”нинг айрим мутасаддилари 25 ёшли форварднинг келишидан хавотирга тушаётган экан.

Улар ўзига хос характерга эга бўлган Мбаппе жамоанинг ички муҳитига салбий таъсир ўтказиши мумкин, деган фикрда.

Бундан ташқари, клуб даражасида катта ютуқларни қўлга киритмаган франциялик футболчи мунтазам халқаро миқёсда нуфузли совринларга эришиб келаётган “Реал” муҳитига мослаша олмаслиги эҳтимоли борлиги айтиляпти.

Қолаверса, Килианнин жамоада энг катта маош олиши бошқа футболчиларга салбий таъсир ўтказади, деган тахмин ҳам илгари сурилмоқда.