"Реал" меҳмонда рақибини аяб ўтирмади!

Испания Ла Лигаси 20-туридан ўрин олган "Алавес" - "Реал" Мадрид баҳси ўз ниҳоясига етди. Унда "Қироллик клуби" мезбонларни йирик ҳисобда мағлубиятга учратди - 1:4!

Голларга "Реал" сафида Каземиро (15), Карим Бензема (41, 70) ва Эден Азар (45+2) муаллифлик қилди. "Алавес"нинг ягона голи Хоселунинг номига ёзилди. Ушбу ғалабадан сўнг, "Реал" ўз очколари сонини 40 тага етказиб олди ва 1-ўриндаги "Атлетико"га 4 очко яқинлашиб олди. "Матрасчилар"да очколар сони 44 та.

• 90+3'
  

  Учрашув якунланди! "Реал" меҳмонда рақибини аяб ўтирмади! Матнли трансляцияни Абдулла Маннонов олиб борди. Эътиборингиз учун раҳмат!

• 90+2'
  

  Эдгар Мендес сариқ карточка билан огоҳлантирилди.

• 90+'
  

  Учрашувга 2 дақиқа вақт қўшиб берилди.

• 88'
  

  Карим Бенземага ҳам ҳакам сариқ карточка кўрсатди.

• 86'
  

  Ферлан Менди ҳам қизишиш оқибатида сариқ карточкага лойиқ кўрилди.

• 86'
  

  Борха Сайнс ("Алавес") сариқ карточка олди.

• 85'

  Дарвозага умумий зарбалар статистикаси: 12-11!

• 82'

  Иско жарима майдончаси ичига тўпни етказиб берди, бироқ ҳимоячилар уни эгаллаб олишди.

• 80'
  

  Мезбонлар футболчиси Виктор Лагуардия сариқ карточка олди.

• 78'
  

  "Алавес"да ҳам ўзгариш: гол муаллифи Хоселу ўрнига Дейверсон ўйинга қўшилди.

• 77'
  

  "Реал"да яна бир ўзгариш: Марко Асенсио ўрнига Иско ўйинга қўшилди.

• 76'
  

  Мадридликларда ўзгариш: Лука Модрич ўрнига Альваро Одриосола ўйинга қўшилди.

• 73'
  

  "Алавес"да ўзгариш: Томас Пинья ўрнига Пере Понс ўйинга қўшилди.

• 71'
  

  ГОООООООООООООООЛЛЛ!!! Карим Бенземадан дубл! Жарима майдони ичида тўпни қабул қилиб олган Карим осонгина уни дарвозага жойлаб қўйди! 1-4!

• 68'

  Марко Асенсио зарба бериш учун яхши позицияга чиқиб бораётган эди, бироқ ҳимоячи уни тўпсизлантирди.

• 67'
  

  "Реал" бурчакдан тўпни ўйинга киритиб беради. 

• 65'

  Мезбонлар футболчиси Лукас Пересда тўпни сақлаб қолиш учун бироз техника етишмади.

• 63'
  

  "Реал"да ўзгариш: Эден Азар ўрнига Винисиус Жуниор ўйинга қўшилди.

• 62'

  Лукас Переснинг жарима майдони ичига узатмаси блокланди.

• 59'
  

  ГООООООООООООООООООООООЛЛЛ!!! Хоселу боши билан Куртуа дарвозасини ишғол қилган ҳолда ҳисобни қисқартирди! 1-3!

• 58'
  

  Қоидабузарлик учун Милитао сариқ карточка билан огоҳлантирилди.

• 57'

  Милитаода барчаси жойида. У ўйинни давом эттира олади.

• 56'
  

  Эдер Милитао майдонда тиббий ёрдам олмоқда. Жароҳат.

• 54'

  Перес ўйин қоидасини қўпол тарзда бузди. Жарима зарбаси.

• 50'
  

  "Алавес" аъзоси Дель Мораль Гарсия қўполлиги учун сариқ карточка олди.

• 49'
  

  Мезбонлар кетма-кет 2-бурчак зарбасини ижро этишади. "Реал" ҳимояланмоқда.

• 48'
  

  "Алавес" бурчакдан тўпни ўйинга киритиб беради. Ҳимоячилар ҳамон фаол.

• 47'
  

  "Алавес" 2-бўлимни 3 ўзгариш билан бошлаб олди: Батталья, Риоха ва Наварро ўрнига Сайнс, Перес ҳамда Гарсия ўйинга қўшилади.

• 46'
  

  2-тайм бошланди! "Реал" тўпни ўйинга киритди.

• 45'

  Футболчилар майдонга қайтишмоқда. Биз ҳам қайтамиз.

• 45+3'
  

  1-бўлим якунланди! Ҳозирча "Реал"да катта устунлик. Танаффус.

• 45+2'
  

  ГОООООООООООООООООЛЛЛ!!! Эден Азар жарима майдони ичида тўпни қабул қилиб олди ва уни дарвозага осон тарзда жойлаб қўйди! 0-3!

• 45+'
  

  Биринчи бўлимга 1 дақиқа вақт қўшиб берилди.

• 44'

  Бенземанинг узатмаси жуда кучли чиқди. Унга ҳеч ким эга чиқолмади.

• 43'
  

  "Алавес" бурчак тўпидан хавфли вазият юзага келтира олмади. "Реал" ҳимояси ишончли ўйнади.

• 42'
  

  ГОООООООООООООЛЛЛ!!! Бенземадан ажойиб гол! Жарима майдони ичида тўпни қабул қилиб олган француз узоқ давом этган позицион ҳужумни аниқ ва кучли зарбаси билан якунлаб қўйди! 2-0!

• 41'

  Ферлан Менди тўпни йўқотди. Шу билан назорат ҳам қўлдан чиқди.

• 38'

  "Қироллик клуби" тўпни ўта ишонч билан назорат қилмоқда. Статистика юқори.

• 35'

  "Реал" Мадрид аъзоларидан бири ўйин қоидасини қўпол тарзда бузишди, ҳакам ҳуштагини чалди.

• 34'

  Эдгар Мендес узоққа йўналтирилган кросс амалга оширди, бироқ тўпга эга чиқиш учун унинг биронта шериги топилмади.

• 32'

  Асенсио жарима майдони ичида тўпни қийинчилик билан узатди, бироқ Пачеко ўз ўрнида!

• 30'

  "Алавес" футболчиларидан бири ҳужумда фол намойиш этди.

• 29'

  Азар тўпни ўзидан узоқлаштириб юборди.

• 28'

  Эден Азар жарима майдончаси ичига ажойиб тарзда ёриб кирди ва зарба берди! Бироз ноаниқ.

• 27'
  

  Тони Кросс бурчакдан тўпни ўйинга киритиб берди. Ҳимоячилар яхши ўйнади.

• 24'
  

  Луис Риола жароҳат олган кўринади. У тиббий ёрдам олмоқда.

• 23'

  Модрич ҳужумда фол намойиш этди.

• 22'

  Ухххх!!! Деярли голли вазият! Ферлан Менди жарима майдончаси ичига ажойиб тарзда ёриб кирди ва тўпни шеригига узатди! Бироқ Пачеко унга эртароқ эга чиқди.

• 20'

  Кросс жарима тўпидан унумли тарзда фойдалана олмади. Зарбага аниқлик етишмади.

• 19'

  "Алавес" футболчилари ўйин қоидасини бузишди. Мадридликлар жарима тўпи тепади, уни Кросс ижро этади.

• 17'
  

  "Реал" аъзоси Карим Бенземада ўйиндан ташқари ҳолат қайд этилди.

• 15'
  

  ГООООООООООООООООООООЛЛЛ!!! Бурчакдан узатилган тўпни Каземиро боши билан дарвозага жойлаб қўйди ва ҳисобни очди! 1-0!

• 15'
  

  "Реал" бурчак тўпи тепади. Кросс тўп олдида.

• 14'

  Бенземаааа!!! Яккама-якка вазиятга чиқиб кетган футболчи дарвозага зарба берди, тўп қайтарилди; қайтган тўп яна тепилди: бу сафар устун!

• 12'

  Ух! Модричдан одатий, кутилмаган ва кучли зарба! Жарима майдони ташқарисидан туриб берилган кучли зарбадан сўнг тўп бироз юқорилаб кетди!

• 10'
  

  "Алавес" футболчиси Ксимо Наварро қоидабузарлиги учун сариқ карточка олди.

• 8'

  Лука Модрич жарима майдони ичига тўпни ошириб берди, бироқ ҳимоячилар тўпни эгаллаб олишди.

• 6'
  

  "Алавес" бурчак тўпидан сўнг хавфли вазият юзага келтира олмади. "Реал" қарши ҳужумга ўтади.

• 5'

  Депортиволиклар аъзоси Хоселу берган зарбани Куртуа қайтарди ва ташқарига чиқариб юборди. "Алавес" бурчак тўпи тепади.

• 3'

  "Алавес" футболчилари ҳужумда фол намойиш этишди. Ҳакам жарима зарбас белгилади.

• 2'

  "Алавес" учрашувни устунлик билан бошлади. Тўп назорат қилинмоқда.

• 1'
  

  Учрашув бошланди!

• 0'

  Футболчилар майдонга чиқиб келишмоқда. Ла Лига мадҳияси янгради.

• 0'

  Ассалому алайкум, қадрли футбол ихлосмандлари! Испания Ла Лигаси 20-туридан ўрин олган "Алавес" - "Реал" Мадрид баҳси бошланишига саноқли дақиқалар қолди. Матнли трансляцияни Абдулла Маннонов олиб боради.