"Реал" менсимаган ўйинчини мақташяпти

“Брентфорд” бош мураббийи Томас Франк “Арсенал” ярим ҳимоячиси Мартин Эдегор намойиш этаётган ўйинига кўра, “Манчестер Сити” плеймейкери Кевин де Брюйне даражасига яқинлашиб қолганини айтди.

- Менимча Мартин Эдегор ҳозирнинг ўзида Кейин де Брюйне даражасига етиб қолди, - деди Томас Франк “канонирлар” футболчиси ҳақида.

Эдегор яқинда “Арсенал” сардори этиб тайинланди. Микель Артета ўтган йили ёзда уни “Реал”дан тўлиқ трансфер қилган эди. Мадридликлар бир неча мавсум давомида унга ўзини кўрсатиш учун етарли имконият бермаганди.

Кўп мутахассислар мадридликларни норвегиялик футболчининг иқтидорини тўғри баҳолай олмаганлиги учун танқид қилиб келади.