"Реал" мухлислари учун ажойиб хушхабар

“Реал”нинг икки етакчиси – Эден Азар ва Марсело умумий гуруҳ машғулотларига қўшилди. Бу ҳақда клуб расмий сайти хабар тарқатмоқда.

Юқоридаги манбага кўра, ҳар иккала футболчи ҳам жароҳатидан тўлиқ фориғ бўлган. Шу боис улар 7 август куни “Манчестер Сити”га қарши бўладиган ЕЧЛ 1/8 финал жавоб баҳсида иштирок эта олади.

Эслатиб ўтамиз, “Реал” ва “Сити”нинг Мадриддаги илк учрашуви 1:2 ҳисобида Гвардиола шогирдларининг ғалабаси билан якунланган эди.