"Бавария" клуби ва Австрия терма жамоаси ҳимоячиси Давид Алаба мавсумлар оралиғида жамоасини ўзгартиради.

Sky Sport Germany нашри тарқатган хабарга кўра, 28 ёшли футболчининг янги жамоаси "Реал" Мадрид бўлади. У “Қироллик клуби” билан келишувга эришган. Томонлар 2026 йилгача шартнома имзолайди. Шартнома бўйича тўлиқ келишувга эришилган ва уни имзолаш қолган холос. 

Алаба учун “Барселона” ҳам жиддий кураш олиб бораётган эди. Аммо энди каталонияликлар ундан умидини тўлиқ узишлари мумкин.

Давид Алаба жорий мавсумда “Бавария” таркибида жами 35 та ўйинда майдонга тушди. У ушбу ўйинларда 2 та гол ва 2 та голли узатмага муаллифлик қилди.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Минбар

Барча блоглар