"Реал" нарх кўтарилиб кетишидан чўчимоқда

"Реал" "Ренн" хавбеки Эдуардо Камавингани жорий ёзги трансферлар давридаёқ қўлга киритмоқчи.

RMC Sport нашри тарқатган хабарга кўра, “қироллик клуби” “Ренн” Чемпионлар лигасида қатнашгач, Камавинганинг трансфер нархи кескин кўтарилиб кетишидан хавотир олмоқда. Ўз навбатида француз клуби ҳам еврокубокларда муваффақиятли иштирок этиш учун Эдуардони таркибда сақлаб қолмоқчи ва “Реал”дан бўладиган ҳар қандай таклифни рад этмоқчи.

Ҳозирги пайтда 17 ёшли Камавинганинг трансфер нархи 37,5 млн еврога баҳоланмоқда. У жорий мавсум “Ренн” сафида 36 та ўйинда майдонга тушди ва 1 та гол ҳамда 2 та голли узатмага муаллифлик қилди.