"Реал" навбатдаги баҳс олдидан битта машғулот ўтказади, сабаби...

"Реал Мадрид"да Карло Анчелотти билан хайрлашишга тайёргарлик кўрилмоқда.

Маълум қилинишича, бош мураббий яқин кунларда клубни тарк этиши ҳақида маълум қилади. Аввалроқ, ишончли манба Фабрицио Романо мадридликлар Хаби Алонсо билан шартнома имзолагани ҳақида хабар берганди.

"Onda Madrid" журналисти Карлос Родригеснинг айтишича, "Реал" "Мальорка"га қарши ўйин олдидан фақатгина битта машғулот ўтказади. Ла Лига доирасидаги мазкур учрашув чоршанба куни бўлиб ўтади, машғулот эса эртага бўлиб ўтади.

Машғулот ва матбуот анжуманининг аниқ вақти ҳали белгиланмаган. Айни пайтда клубдагилар Карло Анчелотти билан расмий хайрлашув қачон ўтказилишини синчковлик билан режалаштирмоқда.