"Реал" ўртоқлик ўйинида "Хетафе"ни тор-мор келтирди. Бенземадан покер

Бугун Зинедин Зидан бошчилигидаги "Реал" "Хетафе"га қарши ўртоқлик учрашуви ўтказди.

Назорат баҳсида 6:0 ҳисобида “Қироллик клуби” ғалаба қозонди. Ўйин қаҳрамони Карим Бензема бўлди. Франциялик форвард шу куни покер қайд этди. Бундан ташқари, Серхио Рамос ва Серхио Аррибасга ўз ҳисобига гол ёздириб қўйди.

"Реал" чемпионатнинг илк турини 20 сентябрь куни "Реал Сосьедад"га қарши ўтказади. "Хетафе" эса, 18 сентябрь куни "Осасуна"ни қабул қилади.