"Реал" пенальти тепишда антирекорд қайд этди

Испания чемпионатининг шанба кунги ўйинида "Валенсия"га қарши баҳсда "Реал Мадрид" ҳужумчиси Винисиус Жуниор пенальтини голга айлантира олмади. Бразилиялик футболчининг зарбасини грузиялик дарвозабон Георгий Мамардашвили қайтаришга муваффақ бўлди.

Бу 11 метрлик жарима "Реал" учун жорий мавсумдаги барча турнирлар ҳисобига бешинчи урилмаган пенальти бўлди. "Opta" хабарига кўра, мадридликлар учун бу 2013/2014-йилги мавсумдан бери қайд этилган энг кўп урилмаган пенальтилар ҳисобланади. Айнан ўша мавсумдан бошлаб бу борада статистик маълумотлар тўплана бошланган.

"Реал" жорий мавсумда жами 16 та пенальтининг 11 тасини голга айлантира олди. 

"Қироллик клуби"нинг навбатдаги учрашуви Чемпионлар лигаси доирасида "Арсенал"га қарши бўлади.