"Реал" пешқадамликни қўлга олди

Ла Лига 5-туридан ўрин олган "Леванте" - "Реал" учрашуви якунланди. Унда 2:0 ҳисоби қайд этилди.

Учрашувдаги дастлабки гол 16-дақиқада Винисиус Жуниор томонидан киритилган бўлса, Бензема сўнгги дақиқада ўйинга мантиқий нуқта қўйди. Шунингдек, мадридликлар посбони Куртуа бир неча сейвлари билан жамоасининг ғалабасига муносиб ҳисса қўша олди.

Муҳим 3 очкони ўз ҳисобига ёздириб қўйган "қаймоқранглилар" онлайн турнир жадвалида пешқадамликни қўлга олди.

• 90+6'
  

  Учрашув якунланди! Матнли трансляция Жавоҳир Азимов томонидан олиб борилди.

• 90+5'
  

  ГООООООООООЛЛЛЛЛЛЛ!

  Бензема ўйин сўнгида мантиқий нуқта қўйди.

• 90+3'
  

  Хорхе Мирамон огоҳлантирилди.

• 90'
  

  Асосий вақтга 5 дақиқа қўшилди.

• 88'
  

  Модрис ҳамда Вальверде майдонни тарк этди. Уларнинг ўрнига Эдегор ва Иско ўйинга қўшилди.

• 85'
  

  Мендининг жарима майдони ташқарисидан йўллаган зарбасини дарвозабон қайтарди.

• 84'

  Бензема тезкор қарши ҳужумга ўтиш ўрнига, орқага узатма берди ва тўпни йўқотди.

• 82'

  Мадридликлар ҳужумга ўта олмаяпти.

• 79'
  

  Бардининг марказдан йўллаган кучли зарбасини Куртуа ушлаб олди.

• 77'
  

  Куртуадан яна бир сейв! Ўткир бурчакдан берилган зарбани мадридликлар посбони қайтарди.

• 75'

  Марказга узатилган тўпни Куртуа ушлаб олди.

• 73'
  

  Микаэль Марса ўрнига Неманья Радоя майдонга тушди.

• 72'
  

  Лукас Васкесга нисбатан ишлатилган қўполлик учун Барди огоҳлантирилди.

• 71'
  

  Йўқ! Гол бекор қилинди. Тўп узатилаётган вазиятда Рамос ўйиндан ташқари ҳолатда қолиб кетган экан.

• 70'

  Бош ҳакам гол урилган вазиятни видеотакрорларда кўрмоқда.

• 69'
  

  Асенсио ҳамда Жуниор захирага олинди. Уларнинг ўрнига Васкес ва Родриго ўйинга қўшилди.

• 68'
  

  ГООООООООООЛЛЛЛЛЛЛ!

  Модричнинг узатган тўпини Рамос дарвозага жойлаб қўйди.

• 67'

  Жарима майдони яқинида "Реал" футболчилари стандарт вазиятга эга бўлди.

• 65'

  Узоқ масофадан "Леванте" футболчиси ноаниқ зарба йўллади.

• 62'

  Мезбонлар посбони жарима майдони ичида Бенземани алдашга ҳаракат қилди. Франциялик футболчи тўпга теккан бўлса-да, уни олиб қўя олмади.

• 60'
  

  Рекашет оқибатида тўп Куртуага ноқулай ҳолатда келди. Аммо кипер оёқлари билан тўпни қайтарди.

• 59'

  Каземиро четлатилиши мумкин. У бироз кескин ўйнамоқда.

• 58'
  

  Узоқ масофадан берилган кучли зарбани Куртуа қайтарди.

• 56'
  

  Вукчевич ва Марти захирага олинди. Улар ўрнига Де Фрутос ҳамда Мелеро майдонга тушди.

• 55'

  Бенземанинг узатмасидан кейин деярли очиқ дарвоза қаршисида қолган Винисиус ноаниқ зарба берди.

• 52'

  Яна бир қулай имкониятдан Жуниор фойдалана олмади. Унинг зарбаси устун ёнгинасидан ўтиб кетди.

• 51'

  Ҳимоячининг хатосидан кейин бирга-бир вазиятда қолган Бенземанинг зарбаси устунга тегди.

• 49'

  Модрич қулай вазиятда тушунарсиз пас берди. Лука ажойиб ҳужумни барбод қилди.

• 47'

  Модрич жарима майдони ичида йиқилиб тушди. Ҳакам ўйинни давом эттириш кераклигини таъкидлади.

• 46'
  

  Иккинчи тайм бошланди!

• 46'

  Футболчилар майдонга қайтди. Биз ҳам қайтамиз!

• 45+1'
  

  Танаффус!

• 45'
  

  Биринчи бўлимга 1 дақиқа қўшиб берилди.

• 42'

  Майдон эгалари прессинг уюштириб, тўпни эгаллаб олди ва ҳужумга ўтди. Қанотдан узатилган тўпга эса, ҳужумчилар ета олмади.

• 40'

  Каземиронинг бу сафарги узатмаси жуда ноаниқ кетди.

• 38'

  Менди ўз тезлигига ортиқча ишониб юборди. Вазият бой берилди.

• 36'

  Каземиронинг узатмаси дарвозага йўллаган Бенземанинг уриниши ноаниқ кетди.

• 35'

  Рамос рақиб жарима майдони ичида йиқилиб тушди. Бош ҳакам жим.

• 32'

  "Реал" ҳимоячилари хатога йўл қўйишига бир баҳя қолди. Аммо Варанга нисбатан қўполлик ишлатилганлиги мадридликларни қутқариб қолди.

• 30'

  "Леванте" хавфли вазият юзага келтирди. Вукчевичнинг зарбаси тўсинга тегди.

• 28'

  Спринтерлик пойгасида Варан Моралесни ортда қолдирди ва хавфни бартараф этди.

• 25'

  Ўйин темпи дастлабки дақиқалардаги каби юқори эмас.

• 22'

  Винисиус қарши ҳужумга тезкорлик билан ўтди ва ўзидан ҳам қулайроқ позицияда турган Бенземага пас берди. Бироқ Жуниор ижро масаласида оқсади.

• 20'
  

  Асенсионинг узатмасидан кейин тўп ҳимоячига тегиб, майдонни тарк этди. Яна бир стандарт!

• 18'

  Гол ўтказиб юборган майдон эгалари олдинга ўтмоқда.

• 16'
  

  ГООООООООООЛЛЛЛЛЛЛ!

  Винисиус Жуниор жарима майдони ичидан зарба йўллади ва ҳисобни очди.Тўп бразилиялик вингер кутган траекторияни ҳосил қилди.

• 15'

  Асенсионинг қанотдан узатган тўпига Винисиус улгура олмади.

• 12'

  Эрта прессингга борган Каземиро рақибига нисбатан қўпол ўйнади.

• 10'

  Мадридликлар кетма-кет ҳужум уюштирмоқда. Бироқ уларнинг бирортаси ҳам хавфли тус олмаяпти.

• 7'

  Моралеснинг ўткир бурчакдан йўллаган зарбаси хавфли чиқди.

• 5'
  

  Моралес дарвозабон билан бирга-бир вазиятга чиқди. Аммо ён ҳакам байроқчасини кўтариб турган эди.

• 3'
  

  Марказда Каземиро рақибига қўполлик ишлатди. Ҳакам уни огоҳлантирди.

• 2'

  Илк дақиқалардан олдинга ўтган меҳмонлар хавфли ҳужум уюштира олди. Модричнинг марказга узатмасини ҳимоячилар катта қийинчилик билан қайтарди.

• 1'
  

  Учрашувга старт берилди!

• 0'

  Футболчилар майдонга тушиб келмоқда. Ўйин бир нача дақиқалар ичида бошланади.