“Реал” плеймейкерга муҳтож! Гюлер ва Беллингем раҳбариятни қониқтирмади

Мадриднинг “Реал” клуби ўтган ёзда Лука Модрич кетганидан сўнг марказий ярим ҳимояни кучайтириш зарурлигини англаб етмоқда. 

Журналист Хорхе Пиконнинг хабар беришича, клуб ўтган мавсумнинг ўзидаёқ хорват футболчисини алмаштира оладиган креатив ярим ҳимоячини излаган, аммо бирор номзод раҳбариятни тўлиқ қониқтирмаган эди.

Қиммат футболчилар бюджетга тўғри келмаган, арзонроқ трансфер нархига эга ёшлар эса талабларга жавоб бермаган. Бу позиция учун Арда Гюлер ва Жуд Беллингем кўриб чиқилган, аммо Гюлер ҳозирча бу ролга тайёр эмас ва янги вазифаларга мослашиши учун унга кўпроқ вақт керак. 

Жуд Беллингем эса кўпроқ ҳужумни якунловчи футболчи сифатида тўп тепишни маъқул кўрмоқда ва ўйин натижасига таъсир ўтказиш учун ўйнашини билдирган. 

Таркибнинг заиф нуқтасини ёпиш учун “Реал”нинг асосий мақсади ПСЖ футболчиси Витинья бўлиб қолмоқда, аммо айни пайтда бу трансфер деярли амалга ошмайдиган деб баҳоланяпти.