"Реал" Почеттино учун "Тоттенхэм"га қанча тўлаши керак?

Лондоннинг “Тоттенхэм” клуби бош мураббийи Моурисио Почеттинонинг бошқа жамоага ўтиши учун 56 млн евро товон пули тўланиши керак. Бу ҳақда инглиз нашрлари маълум қилмоқда.

Шундан келиб чиқиб айтиш мумкинки, агар “Реал” ушбу мутахассисни жалб этишни истаса, юқорида кўрсатилган маблағни “шпорлар” ҳисоб рақамига ўтказиб бериши лозим.

Таъкидлаш керакки, аргентиналик мураббий 24 май куни “Тоттенхэм” билан амалдаги шартномасини 2023 йилга қадар узайтирган эди. Айнан Почеттино кеча “Реал”дан истеъфога чиққан Зинедин Зиданнинг ўрнига асосий номзод сифатида тилга олинмоқда.