Ads

Мадриднинг "Реал" клуби ҳамон "Манчестер Юнайтед" хавбеки Поль Погбани сотиб олиш фикридан қайтмаяпти.

The Times нашри тарқатган хабарга кўра “қироллик клуби” 26 ёшли франциялик футболчи эвазига манкуанликларга маълум миқдорда пул ва Гарет Бэйлни бермоқчи. Агар уэльслик футболчи МЮни қизиқтирмаса, мадридликлар унинг эвазига Хамес Родригес ёки Кейлор Навасдан бирини беришга ҳам тайёр.

Эслатиб ўтамиз, бундан аввалроқ агар “Реал” Погбани сотиб ололмаса, эътиборини Кристиан Эриксен (“Тоттенхэм”) ёки Донни Ван де Беклардан (“Аякс”) бирини сотиб олишга қаратиши ҳақида хабарлар тарқалган эди.