“Реал” порлай олмаган “юлдузча”сидан воз кечди

“Реал” клуби мутасаддилари қишки трансферлар ойнаси очилиши олдидан таркибни оптималлаштириш бўйича бир неча ишларни амалга оширадиган бўлди.

Клуб директорлари кенгаши вакиллари орасида бразилиялик ёш ўйинчи Эндрик жиддий мунозараларга сабаб бўлмоқда. Бўлажак юлдуз мақомида Мадридга олиб келинган бу ўйинчи ҳали ишончни оқлай олгани йўқ.

Мадридликлар Европа футболига ва “Реал”нинг ички рақобатига мослаша олмаётган ҳужумчи мунтазам ўйин амалиётига эга бўлиши учун уни ижарага жўнатмоқчи. Эндрик атрофида юзага келган босим унга ўз иқтидорини тўлиқ намойиш қилиш имконини бермаяпти.

Испания матбуотининг ёзишича, Ла Лиганинг бир неча клуби Эндрикни январь ойида ўз сафига қўшиб олишга тайёр. Хусусан, “Севилья”, “Сельта” ва лига дебютанти “Реал Овьедо” ёш ҳужумчига ҳамкорлик таклиф қилишни режалаштирмоқда.