"Реал" португалиялик Фернандешни кузатмоқда

"Вест Хэм" ярим ҳимоячиси Матеуш Фернандеш Мадриднинг "Реал" клуби қизиқиш доирасига тушди.

Diario AS нашри маълумотига кўра, 21 ёшли португалиялик футболчи "қироллик клуби"нинг ёзги трансфер ойнаси учун шакллантирилган номзодлар рўйхатидан жой олган.

Бироқ Фернандешга нафақат "Реал", балки Европанинг бошқа бир қатор топ-клублари ҳам қизиқиш билдирмоқда.

Манбага кўра, "Вест Хэм" Англия Премьер-лигасини тарк этганидан сўнг ўз юлдузини сотишга тайёр. Лондонликлар футболчи учун тахминан 93 миллион евро талаб қилиши кутилмоқда.

2025/26 йилги мавсумда Фернандеш барча мусобақаларда 42 та учрашувда иштирок этиб, 5 та гол урди ва 5 та голли узатма муаллифи бўлди.