"Реал" посбони АПЛга кўчиб ўтиши мумкин

Мадриднинг "Реал" клуби дарвозабони Андрей Лунин фаолиятини Англия Премьер-лигасида давом эттириши мумкин.

"Defensa Central" берган маълумотларга кўра, Лондоннинг "Тоттенхэм" клуби украиналик дарвозабонни ўз сафига қўшиб олмоқчи. "Шпорлар" Лунин трансферини қишки ҳал қилишни режалаштирмоқда. Кипернинг трансфери Лондон клуби учун тахминан 12-15 миллионни ташкил этади. 26 ёшли дарвозабоннинг "қироллик клуби" билан амалдаги шартномаси 2030 йилнинг ёзида якунига этади. Футболчининг "Transfermarkt" порталидаги нархи 18 миллион еврони ташкил этади. 

Маълумот учун, Лунин "қаймоқранглилар" сафига 2018 йилда келиб қўшилган эди.