"Реал” президенти: "Бу мавсумда биздан 18 очко ўғирланди!"

“Реал Мадрид” президенти Флорентино Перес жорий мавсумда ҳакамлар қарорлари сабаб жамоаси катта йўқотишларга учраганини таъкидлади. Шунингдек, у ўз раҳбарлиги даврида мадридликлар Ла Лигада янада кўпроқ чемпионликка эришиши керак бўлганини айтди.

“Қандай қилиб жаҳлим чиқмасин? Мен еттита Ла Лига чемпионлигини қўлга киритдим, аммо улар 14 та бўлиши керак эди. Мени яна еттитасидан маҳрум қилишди. Жорий мавсумда эса биздан 18 очко ўғирланди. Бу “режим интеллектуаллари” бизга зарар етказмоқда”, — деди Перес матбуот анжуманида.

Маълумот учун, Испания чемпионатининг 35 туридан сўнг “Реал” 77 очко билан иккинчи ўринда бормоқда. Перес клуб президенти сифатида 2000–2006 йилларда фаолият олиб борган ва 2009 йилда яна ушбу лавозимга қайтган.