"Реал" президенти Лопетегининг терма жамоа бош мураббийлигидан бўшатилиши ҳақида нималар деди?

Мадриднинг "Реал" клуби президенти Флорентино Перес жамоанинг янги бош мураббийи Хулен Лопетегининг Испания терма жамоасидан истеъфога чиқарилиши ҳақида ўз фикрини билдириб ўтди.

“Биз Лопетеги билан келишувга эришдик ва бу нарса ЖЧ-2018да Испания терма жамоасига зарар қилмаслиги учун бу ҳақдаги хабарни ошкор этишга қарор қилдик.

Дастлаб ҳаммаси кўнгилдагидек кечаётган эди. Бироқ, кейинчалик вазият тамомила ўзгарди. Энди баъзилар бу вазиятдан фойдаланиб, “Реал”ни обрўсизлантиришга уринишмоқда”, - дейди Перес.

Эслатиб ўтамиз, Лопетеги “Реал” бош мураббийи деб эълон қилинганидан сўнг дарҳол Испания терма жамоасидаги постидан озод этилган эди.