"Реал" ПСЖ футболчисини сотиб олмоқчи

"Реал" Мадрид ёзги трансферлар ойнасида навбатдаги харидни амалга оширишга уриниб кўради. Клуб ПСЖ ярим ҳимоячиси Жоржиньо Вейналдумни қўлга киритмоқчи. 

Маълумотларга кўра, футболчи Париж жамоаси раҳбариятидан ўзини сотувга қўйишларини сўраган. Ҳозирда Франция чемпионлари унга билдирилган ҳар қандай таклифни кўриб чиқишга тайёр. 

Маълумот ўрнида, Жоржиньо ўтган мавсум Лига 1нинг 31 ўйинида 1 гол ва 3 ассист қайд этган. Парижликлар сафига келиб қўшилишидан олдин нидерландиялик истеъдод эгаси "Ливерпуль" таркибида тўп тепган.