"Реал" қозоғистонлик футболчига қизиқиб қолди

"Зенит" ҳимоячиси Нурали Алипга "Реал" томонидан қизиқиш бор, дея хабар бермоқда "Tengri Sport" нашри. 

Алаба ва Милитао жароҳат олган бир вақтда "Реал" январда марказий ҳимоячи олиб келиши кутиляпти. Манба берган хабарга кўра, 24 ёшли футболчига "қироллик клуби" бош скаути Жуни Калафат эътибор қаратмоқда.

"Зенит" ҳимоячисининг вакиллари аллақачон ушбу миш-мишларга изоҳ берди: "Нурали Алипга кўплаб клублардан қизиқишлар бўлмоқда. Масалан, Туркия клублари ҳам уни ўз сафига қўшиб олмоқчи. "Реал"га келсак, ҳали қоғозда таклиф олганимиз йўқ", - деди футболчининг трансфер масаласи билан шуғулланувчи агентлик. 

Қайд этиш лозим, қозоғистонлик футболчининг айни дам "трансфермаркт" порталидаги баҳоси 3 миллион еврони ташкил қилади.