“Реал” раҳбарияти “Арсенал” футболчисини тортиб олмоқчи

“Арсенал” ҳимоячиси Вильям Салиба “Реал” нишонига тушди. Таниқли инсайдер Экрем Конурнинг маълум қилишича, мадридликлар бу футболчини олиш бўйича иш бошлаган.

22 ёшли франциялик ҳимоячининг Лондон клуби билан 2027 йилнинг ёрмигача давом этадиган шартномаси бор. Бироқ бу “Қироллик клуби”ни хавотирга солаётгани йўқ.

Ўз навбатида, “Арсенал” мураббийлар штаби Салиба жамоадаги асосий фигуралардан эканини таъкидлаб, уни қўйиб юбормоқчи эмас. Клуб уни таркибда олиб қолиш учун янги шартнома тайёрлаяпти.

Агар Салиба “канонирлар” билан битимни янгиламаса, “Реал” унинг трансферини 65 миллион евро атрофидаги маблағ эвазига сотиб олиши мумкин.