"Реал" раҳбарлари Эндрикни бўйича қарор чиқаришди

Мадриднинг "Реал" клуби Хаби Алонсо бошқаруви остида асосий таркибга кира олмаётган форвард Эндрик учун режаларини аниқлаб олди.

Пайшанба куни клуб раҳбарияти мажлис ўтказди, унинг натижаларига кўра бразилиялик футболчини январь ойида ижарага юборишга қарор қилинди, деб хабар беради журналист Маркос Бенито. Маълумки, "қаймоқранглилар" раҳбарияти футболчининг Испанияда қолишини эмас, балки чет эл клубига ўтишини афзал кўрамоқда.

Ижара ғоясини Эндрикнинг ўзи ҳам қўллаб-қувватлайди. Жорий мавсумда 19 ёшли ҳужумчи бирор марта майдонга тушмади. Нуфузли Transfermarkt портали "Палмейрас" собиқ юлдузининг нархини 35 млн еврога баҳоламоқда.