“Реал” Рамос ўрнини ким эгаллашини ҳал қилди
“Қироллик клуби” раҳбарияти ёзги трансферлар даврида “Вильярреал” ҳимоячиси Пау Торресни сотиб олишга қарор қилди.
Гап шундаки, қанчалик зўр ўйнамасин жамоанинг асосий ҳимоячиси Серхио Рамоснинг ёши ўтиб қолмоқда. У клуб билан янги шартномага кўнган тақдирда ҳам тез орада кучли марказий ҳимоячига эҳтиёж сезилади. Бунга тайёргарлик кўраётган мадридликлар бу масалани Торрес трансфери билан ёпишни режалаштиряпти.
“Реал” мутасаддилари Пау Торрес трансферига айни пайтда “Арсенал”да ўйнаётган футболчи Дани Себальосдан фойдаланмоқчи.
Ўз ўрнида, ҳар икки футболчига ҳам Европанинг бошқа клубларидан таклифлар кўплигини таъкидлаш жоиз.
Фикрлар