“Реал Сосьедад” Файзуллаев бўйича маълумот чиқарди!
“Пахтакор” тарбияланувчиси бўлган Аббосбек Файзуллаев 2023 йилнинг авсгустида ЦСКАга кўчиб ўтиб, легионер сифатида Россия Премьер-лигасида порлай бошлаганидан бери ҳужумкор футболчимизнинг Европага йўл олиши ҳақида мунтазам хабарлар тарқатилади.
Хусусан, ўтган давр мобайнида Европа матбуотида 21 ёшли ҳамюртимизга Италия, Германия, Испаниядан “Парма”, “Бавария”, “Вильярреал” каби машҳур клублар эътибор қаратгани ҳақида маълумотлар эълон қилинган эди.
Қишки трансферлар ойнаси даври яқинлашгани сари яна бу мавсум долзарб аҳамият касб эта бошлади.
ЦСКАда порлаётган ва 2026 йилги жаҳон чемпионатининг саралаш турнирида Ўзбекистон миллий терма жамоаси етакчисига айланиб бораётган Аббосбек Файзуллаевга Франциянинг “Монако” ва Испаниянинг “Реал Сосьедад” каби клублари қизиқаётгани ҳақида бир неча манбалар ўз янгиликларини чиқарди.
Хусусан, “Реал Сосьедад” клуби бу хабарларга ўз муносабатини билдирди. Сан-Себастьян шаҳри шарафини ҳимоя қилаётган клуб матбуот котиби Хон Андер Мундуате ЦСКА футболчиси Аббосбек Файзуллаев трансферига оид маълумотларни изоҳлаб, қуйидаги жавобни берди:
- Бизнинг спорт директоримиз клубни тарк этадиган бўлиб турибди, шу боис, мен Аббосбек Файзуллаев трансфери ҳақидаги аниқ маълумотларга эмасман, - деди Хон Андер Мундуате.
Россиялик футбол экспертларининг аксарияти Аббосбек Файзуллаев Европа клубларидан бўлаётган қизиқишларга муносабат билдириб, ўзбек легионери топ-лигаларда бўладиган таклифларни қабул қилиши кераклигини таъкидламоқда.
Бундан ташқари, ЦСКА Файзуллаевнинг трансфери орқали ўз бюджетига яхшига маблағ кирим қилиши мумкинлиги айтиляпти.
Аббосбек Файзуллаев “Пахтакор” тарбияланувчиси ҳисобланади. Ҳужумкор фуболчимиз Ўзбекистоннинг турли ёшдаги терма жамоаларидаги муваффақиятли ўйинлари орқали хориж клублари назарига тушган.
Бироқ, Аббос 2023 йилнинг августида фаолиятини ЦСКАда давом эттиришга қарор қилди. Бу трансфер “Пахтакор”га 500 минг евро миқдорида маблағ олиб келди. Россия Премьер-лигасига кўчиб ўтганидан кейин ҳамюртимиз қисқа фурсатда жамоасининг еаткчисига айланди.
Дебют мавсумидаги ёрқин ўйинлари туфайли Россия Премьер-лигасининг асосий кашфиёти сифатида эътироф этилди.
Файзуллаев бир йил ичида Ўзбекистон миллий терма жамоасининг етакчисига ҳам айланиб олганини таъкидлаш лозим.
.jpg)
21 ёшли футболчимиз бугунги кунга қадар клублар миқёсидаги мусобақаларда “Пахтакор” ва ЦСКА учун жами 95 та ўйин ўтказиб, 18 та гол ва 23 та ассист қайд этган. Ўзбекистон миллий терма жамоасида эса, 23 маротаба майдонга тушган, ўз ҳисобига еттита гол ва битта ассист ёздириб қўйган.
Фикрлар