"Реал" Стерлинг учун "Сити"га 220 млн евро таклиф қилмоқчи

Мадриднинг "Реал" клуби "Манчестер Сити" форварди Рахим Стерлингни ўз сафига қўшиб олмоқчи. Бу ҳақда The Sun нашри хабар тарқатмоқда.

Юқоридаги манбаага кўра “қироллик клуби” 25 ёшли англиялик футболчи учун “шаҳарликлар”га 220 млн евро тўлашга тайёр. Айтиш керакки, “Сити” Чемпионлар лигасидан 2 мавсумга четлатилгач Стерлинг жамоасини ўзгартиришни ўйлаб кўриши мумкин.

Маълумот учун, Стерлинг жорий мавсум “Манчестер Сити” сафида жами 30 та ўйинда майдонга тушди ва ўз ҳисобига 20 та гол ҳамда 6 та голли узатма ёздириб қўйишга эришди. Унинг клуб билан амалдаги шартномаси эса 2023 йилга қадар имзоланган.