"Реал" супертўпурарга кўз тиккан

"Реал" клуби мавсум якунига етгач, ҳужум чизиғини кучайтириб олмоқчи.

Марcа нашрининг хабарига кўра, Мадрид клубининг асосий трансфер мақсади "Боруссия" форварди Эрлинг Холанд бўлиб турипти.

Бундан ташқари, "қироллик клуби" ПСЖ футболчиси Килиан Мбаппега ҳам жиддий қизиқиш билдирган, аммо клуб ушбу ёзда франциялик футболчини жамоага жалб қилишни иложи йўқ, деб ҳисобламоқда.

Эслатиб ўтамиз, 19 ёшли норвегиялик ҳужумчи қишги трансфер ойнасида "Ред Булл" клубидан "Боруссия Дортмунд" сафига қўшилган эди. Холандга "Ювентус" томонидан ҳам қизиқиш бўлган.

Маълумот учун, Холанд Бундеслиганинг 8 та учрашувида майдонга тушиб, 9 та гол урди ва 2 та голли узатмани амалга оширди.