"Реал" тарбияланувчиси "Сурхон"га ўтаётганини тасдиқлади (фото)

Хабарингиз бор, бир неча кун аввал Термизнинг "Сурхон" жамоаси сафига испаниялик футболчи ва мутахассислар келиша ҳақида ёзган эдик. 

Улар орасида қанот ҳимоячиси Луис Мигел Кесада Санчес ҳам бор эди. Футболчи "Инстаграм"даги саҳифаси орқали Ўзбекистонга келаётганини маълум қилди.

Эслатиб ўтамиз, “Реал” Мадрид футбол клуби тарбияланувчисидир. 2013 ва 2015 йиллар давомида Луис Санчес “Реал”нинг U-17, U-18 ҳамда U-19 жамоаларида тўп сурган. Сўнгра, “Кастилья”да ўйнади. Шунингдек, “Олот”, “Кордова” ва “Кадис” клублари шарафини ҳам ҳимоя қилган.