“Реал” тўхтамайди: Мадридликлар Англиядан яна зўр футболчиларни олиб келади

Якунланган мавсумда ҳам мамлакат чемпионлиги, ҳам Европа Чемпионлар лигаси ғолиблигидан айрилган “Реал” таркибини мунтазам мустаҳкамлаб бориш йўлини топди.

Қизиғи шундаки, мадридликлар “Ливерпуль” ҳимоячиси Трент Александер-Арнольдни эркин агент сифатида қўлга киритганидан кейин моҳир футболчиларни бепул олиш амалиётини кучайтиришга қарор қилди.

Marca нашрининг маълум қилишича, “Қироллик клуюи” мутасаддилари 2026 ва 2027 йилларда эркин агентга айланадиган ўйинчиларни олди. “Реал” вакиллари “Ливерпуль”дан марказий ҳимоячи Иброҳим Конатега қизиқиш билдиряпти. Улар келаси йили ёзда шарномаси тугайдиган ўйинчини келажакда Мадридга кўчиб ўтишга ҳозирдан кўндириб қўймоқчи.

Бундан ташқари, мадридликлар икки йилдан кейин шартномаси тугайдиган “Арсенал”нинг 18 ёшли чап қанот ҳимоячиси Майлз Льюис-Скеллини олишда ҳам шу йўлни тутишга қарор қилган.

“Реал” скаутлари Испания чемпионатида “Валенсия”дан ўзларига керак ўйинчини топди. Мадридликлар 20 ёшли маркзий ҳимоячи Кристиан Москерани жамоаси билан келишуви тугагач, “Қироллик клуби”га эркин агент мақомида келишини таклиф қилмоқда.