"Реал" ва "Барса" қизиқиш билдирган футболчи Англия клубини танлади

"Малага" клубининг чап қанот ҳужумчиси Антонио Кордеро яқин орада Англиянинг "Ньюкасл" жамоаси футболчисига айланиши кутилмоқда. Бу ҳақда машҳур инсайдер Фабрицио Романо хабар бермоқда.

Инсайдернинг маълумотига кўра, томонлар 18 ёшли испаниялик футболчининг трансферини аллақачон якунлаган ва тез орада бу ҳақда расмий эълон қилинади. Қайд этилишича, Кордерога "Реал" ва "Барселона" ҳам қизиқиш билдирган, бироқ футболчининг ўзи "Ньюкасл"га ўтишга қарор қилган.

Жорий мавсумда Кордеро Испания Сегундасида 32 та ўйинда майдонга тушиб, бешта гол урган ва олтита голли узатмани амалга оширган. "Transfermarkt" мутахассислари футболчининг нархини икки миллион еврога баҳоламоқда.