"Реал" ва "Манчестер Юнайтед" клублари "Вальядолид" ҳимоячиси Муҳаммдан Салисунинг хизматларига жиддий қизиқиб қолишди. Бу ҳақда AS нашри хабар тарқатмоқда.

Юқоридаги  манбаага кўра Ла Лига ва АПЛ грандлари 20 ёшли ганалик футболчини келаётган ёзги трансферлар даврида сотиб олишмоқчи. Ушбу трансфер эса уларга тахминан 12 млн еврога тушиши айтилмоқда.

Маълумот учун, Салису “Вальядолид” сафида 2018 йилдан буён тўп суриб келмоқда. У жорий мавсум жами 24 та ўйинда майдонга тушди ва 1 та гол ҳамда 1 та голли узатмага муаллифлик қилди. Унинг клуб билан амалдаги шартномаси 2022 йилга қадар имзоланган.