"Реал" Варанни нега сотиб юбормоқчи?

"Реал" ҳимоячиси Рафаэль Варан янги мавсумни бошқа жамоада бошлаши мумкин. Унга "Манчестер Юнайтед" асосий даъвогар бўлиб турибди.

Гап шундаки, “қироллик клуби” раҳбарияти франциялик футболчининг клуб билан амалдаги шартномани узайтиришига ишонмаяпти. Шу сабабли "Реал" келаётган ёзги трансфкерлар даврида Варанни сотиб, оз бўлсада унинг трансферидан пул ишлаб олишни режалаштирмоқда.

"Манчестер Юнайтед" эса Харри Магуайрга тандем бўла оладиган маҳоратли марказий ҳимоячи қидирмоқда. “Қизил иблислар” бундан аввал ҳам Варанни сотиб олишга бир неча бор уруниб кўрган эди, аммо "Реал" ушбу таклифларни рад этган.

Варан жорий мавсум Ла Лигада 24 та ўйинда майдонга тушди ва 2 та гол уришга муваффақ бўлди.