"Real" Varanni tekinga qo‘yib yubormoqchi emas

"Real" himoyachisi Rafael Varan katta ehtimol bilan shu yoz jamoasini o‘zgartiradi. Uning madridliklar bilan amaldagi shartnomasi yana bir yildan so‘ng nihoyasiga etadi.

El Larguero nashri tarqatgan xabarga ko‘ra, "qirollik klubi" 28 yoshli frantsuzni  kelasi yil erkin agent sifatida qo‘yib yuborishni istamaydi, shuning uchun ular uni hozir sotmoqchi.

Oldinroq Varanani o‘z safiga qo‘shib olmoqchi bo‘lgan "Manchester Yunayted" u bilan muzokara olib borayotgani haqida xabar berilgandi.

Rafael Varan o‘tgan mavsum La Ligada jami 31 ta o‘yinda ishtirok etdi va o‘z hisobiga 2 ta gol yozdirib qo‘ydi. U 2011 yildan buyon “Real”da o‘ynab kelmoqda.