"Реал" Винисиус билан янги шартнома имзолашга яқин

"Реал Мадрид" ва Винисиус Жуниор 2027 йилнинг ёзида тугайдиган шартномани узайтириш бўйича якуний келишув усида ишламоқда. Иккала томон ҳам ҳамкорликни давом эттиришни истайди. AS нашрининг маълум қилишича, "қаймоқранглилар" 25 ёшли футболчини клубнинг "давомчиси" деб ҳисобламоқда. 

Манбага кўра, клублар ўртасидаги жаҳон чемпионатидан кейин томонлар ўртасида янги шартнома бўйича юзага келган зиддиятлар сўнгги ҳафталарда ҳал қилинган. Винисиус ва "Реал" меҳнат шартномасининг узайтирилиши миш-мишларга чек қўйишини, шундан сўнг футболчи ва "қаймоқранглилар" спорт, ижтимоий ва иқтисодий жиҳатдан фойда кўрадиган "барқарорлик ва хотиржамлик босқичи" бошланишини тушунади.

Винисиус "Қироллик клуби" сафида 2018 йилдан буён тўп суриб келмоқда. Бу вақт ичида ҳужумчи барча мусобақаларда 338 та ўйинда майдонга тушиб, 111 та гол ва 87 та голли узатмани амалга оширди. Трансфермаркт порталида келтирилган маълумотларга кўра, футболчининг бозор нархи 150 млн еврони ташкил этади.