"Реал" Винисиус бўйича бир қарорга келди

Журналист Флориан Плеттенберг маълумотига кўра, мадридликлар бразилиялик футболчини жамоада сақлаб қолиш ниятида. 

"Реал" аллақачон унинг ўзи ва вакилларига шартномани узайтириш бўйича янгиланган таклифни етказган.

"Қаймоқрангликлар" раҳбарияти бир неча ойдан бери давом этаётган музокаралардан сўнг вингер билан келишувга эришишни кутмоқда. Шу билан бирга, клуб "Арсенал"нинг футболчига бўлган жиддий қизиқиши ҳақида ҳам хабардор. 

Лондон жамоаси яқин вақт ичида илк расмий таклифини йўллашга тайёрланаётгани айтилмоқда.

Аввалроқ тарқалган хабарларга кўра, Винисиус бир мавсум учун тахминан 20 миллион евро маош кутаётгани маълум қилинган эди.